КОЗЈАК ТРЕИЛ 67К 3600Д+

ЦЕЛОСНО АВТОНОМНА ТРКА СО РЕВИЈАЛЕН КАРАКТЕР

Идејата на трката Козјак Треил ова година е ревијално да се истрча и прослави јубилејот на КМТ во целосно авантуристички стил. Натпреварот помеѓу тркачите е ставен во втор план бидејќи нема да има официјално мерење на контролните точки, нема да има маркација на патеките ниту пак освежителни станици. Цената на стартниот пакет ќе биде 0 денари. Следењето на официјалната патека е оставена на фер-плејот на тие што ќе земат учество.

НАПОМЕНА:

Оваа година трката Козјак Треил 67К ќе има ревијален карактер и ќе се одвива под целосна автономност. Што тоа значи?!

  1. Пријавување за трката ќе има на веб-сајтот www.kmt.mk,
  2. Секој учесник ќе добие стартен број со основни информации
  3. Освежителни станици НЕМА да има – освен 6-7 попатни чешми. Ова значи дека секој сам учесник е потребно сам да си ја организира храната и течностите.
  4. Официјална маркација на трката НЕМА да има (освен на потег до Трескавец и назад – маркација за малата трка). Потребно е да се следи веќе востановената патека и ГПС записот на веб сајт.
  5. Надворешна помош е дозволена само на една точка – ПРИЛЕПСКО ЕЗЕРО (во двата наврати).
  6. Контролни станици ќе има само две – врв Козјак и врв Единак каде ќе биде поставен перфоратор.
  7. Тркачите нема да добијат официјално финиш време, туку само ставка ФИНИШЕР доколку се утврдат двете минувања на Козјак и Единак.
  8. Минувањето на ГПС зацртаната и веќе утврдената патека (поставена на веб-сајтот) е оставено на моралот и етиката на тркачите.
  9. Идејата е да се прослави јубилејот на трката

 

Доколку барате максимален предизвик и трка која крие ултимативна авантура тогаш не барајте понатаму. За прв пат одржана во 2012 година како прва и најдолга ултра планинска трка во Македонија, Козјак Треил претставува култна планинска трка по еден од најдивите предели на прилепскиот регион.

Името на трката потекнува од највисоката точка на патеката, врвот Козјак (1747м), кој се наоѓа на точно половина патека, а истата има вкупно висинско качување од 3600м низ терен кој ви гарантира доживување кое ќе го паметите засекогаш.

Очекувајте патека со тежок технички терен, недопрена природа  и митско опкружување на најголемата македонска висорамнина. Ако барате предизвик повеќе и влез во ултра маратонската заедница, Козјак треил е вистинскиот избор за вас.

 

Старт и финиш – амфитеатарот во Варош, Прилеп – ГПС – 41.357493, 21.530867

Старт – 31.10.2020 (сабота) – 07:00h локално време

KOZJAK TRAIL 67K – 3600 D+
Control Point Location Total km km to next D+ cum D+ to next D- cum D- to next Time first Time last
START Varosh 0 0 700 0 150 7:00 8:00
CP1 – perforator Kozjak 30 2000 1000
CP2 – perforator  Edinak 51 2880 2000
FINISH Varosh 67.3 3623 3621
Time Limit – 15h

ВАЖНИ ИНФОРМАЦИИ ОКОЛУ ПРИЈАВУВАЊЕТО

  • Со успешното пријавување на некоја од трките ќе бидете известени по електронска пошта (доколку не стигне мејл во инбокс сандачето, проверете во спам и промоции)
  • Во е-поштата секој пријавен добива линк за одложено онлајн плаќање на пријавата
  • Наплатата може да се обави ОНЛАЈН со картичка или ОФЛАЈН преку плаќање на трансакциска сметка
  • Пријавата се финализира со успешно извршена трансакција преку плаќање на ОНЛАЈН или ОФЛАЈН сервисот

Жиро-сметка за офлајн плаќање

Назив на налогопримач: ТРЕКС
Адреса: Ибе Паликуќа 17, 1000 Скопје
Трансакциска сметка: 270069272700140
Банка: Халк Банка
Цел на дознака: Крали Марко Треилс (наведете трка)

* Онлајн плаќањето се врши преку сигурносниот “3D Pay” систем на Халк Банка
**Напомена – во онлајн наплаќањето ќе биде пресметана провизија од 4% за банкарски трошоци и одржување
***Напомена – во цената не се вклучени банкарските провизии при ОФЛАЈН плаќање

 

Цени и бранови за пријавување:

ТРКА Рана пријава

10.10 – 26.10.2020

Трескавец Треил 16 km 300 денари
Козјак Треил 67 km (Неофицијална/ревијална трка во полна автономија (fully self-sufficient) 0 денари
Маркукуле Треил – детска трка Не се наплаќа

 

 

 

 

 

Со обезбеден стартен пакет добивате:

  • Стартен број
  • Финишерски медал