ТРЕСКАВЕЦ ТРЕИЛ – 16K 800 D+

Најстарата и најмасовната трка „Трескавец Треил” е долга 16 километри и стартува од Варош, минува под Марковите Кули и преку живописните околни прилепски ридови оди до манастирот Трескавец кој датира од XIII век. За манастирот Трескавец се велело дека е најнепристапното и најскриеното светилиште во Македонија, затоа што до него можело да се стигне само со пешачење по тесна, кривулеста патека која минува покрај неверојатни карпести природни формации.

Трката изобилува со религиски и духовни мотиви и е вистински репрезент на митското и културно наследство на овој крај. Спектакуларните пејзажи на најголемата рамница во Македонија –  Пелагонија и феноменалната карпеста околина ќе ве остават без здив и ќе ве натераат да се вратите повторно.

Совршениот спој на должина и технички карактеристики ја прават истата да биде идеална за сите оние кои за прв пат учествуваат, но и солиден предизвик  за оние со поголемо искуство.

Старт и финиш – амфитеатарот во Варош, Прилеп – ГПС – 41.357493, 21.530867

Старт – 31.10.2020 – 10:00h локално време