КРАЛИ МАРКО УЛТРА Треил

Детален водич за патеката на Крали Марко Ултра Треил 60К

Концепт и Структура на Патеката

1. Првите 2/3 (Обратен правец): По стартниот балон во Варош, тркачите тргнуваат во обратен правец (следејќи дел од патеката на 23К наназад), движејќи се кон Дабница и манастирот Трескавец преку истите патчиња.
2. Средниот спој (Преку 13К до базата): Од Трескавец патеката се спушта низ Заград и се приклучува на трасата на 13К во нормален правец сè до стартно-целната област во Варош. Тука тркачите имаат целосна освежителна станица, можност за подигање drop-bag и менување на темпото пред клучниот дел.
3. Финалната 1/3 (Целосната 40К патека): Од школото во Варош, ултрашите продолжуваат директно по целосната патека на Камена Баба Треил (40К) – искачување кон Маркови Кули, карпата со сајла, Црквиште, повторно качување кон Трескавец и Дабница, па масивите на Единак и Камена Баба (Кукул), пред благиот финишен спуст назад во Варош.

Опис на Движењето по Сектори

1. Старт и првиот технички прстен (Обратен правец 23К)

• Локација: ПОУ Блаже Конески во населба Варош (700 мнв), Прилеп.
• Од стартната линија патеката се упатува кон запад и север, движејќи се во обратен правец во однос на класичните трки. Овој дел веднаш ги соочува тркачите со суровиот терен на падините под Зеленик и околните ридови, минувајќи низ каменити патеки, макадами и старите планински премини кон селото Дабница.
•  

• Од Дабница, патеката се искачува кон легендарниот манастир Трескавец (~1.256 мнв), нудејќи вистински вертикален предизвик со постојано качување по каменити терени и антички патеки.
• По кратка пауза и освежување кај манастирот, следува технички и брз спуст низ Заградските стени кој ги носи тркачите кон подножјето, од каде патеката се приклучува на трасата на 13К во нормален правец.

• Тркачите пристигнуваат во училишниот двор во Варош. Ова е клучна точка за ресетирање, полнење на со храна (и супа, вода, електролити), проверка на опремата и менување на патики или чорапи доколку е потребно.
• Оттука започнува вистинската „круна“ на трката – продолжување по целосната патека на Камена Баба Треил (40К).

• Од Варош се влегува во строгиот центар на карпестиот лавиринт на Маркови Кули, минувајќи низ античките бедеми и карпата со сајлата.
• Патеката води преку Црквиште, па повторно се искачува кон манастирот Трескавец и спушта низ Дабница. Овој дел ја тестира менталната сила на ултрашите, бидејќи веќе имаат истрчано над 35-40 километри пред да се соочат со највисоките точки на денот.

• Од Дабница, трасата продолжува кон јужните страни на ридот Единак (~1.250 мнв) – највисоката точка на трката со серија кратки, стрмни и технички гребенски делови.
• Следуваат впечатливите премини преку возвишението Глајца и карпестиот рид Кукул (Камена Баба), каде панорамата кон Пелагонија нуди незаборавна глетка пред последните километри.
• По искачувањето од Дабница кон Наковална и заобиколувањето на Марковите Кули од северозападната страна, следува последниот брз спуст од 1.5 км директно во школскиот двор во Варош за епски финиш!

Клучни Тешки Делници на 60К

• Првите 25 км: Технички треил во обратен правец низ ридовите и искачување кон Трескавец.
• Качувањето кон Трескавец (во два наврата): Секок искачување носи околу 500–600м+ вертикала.
• Спустот и качувањето кај Единак (ок. 40–45 км): Моментот кога заморот е на врвот, а теренот бара максимална стабилност.

Контролни и Освежителни Станици

• Старт/Цел (Варош): Мерење време, целосна храна, овошје, вода, електролити, топол оброк (пиво и гравче), прва помош и drop-bag зона.
• Заград, Манастир Трескавец, Дабница, Кукул: Пунктови за мерење време, вода, суво овошје, гелови, електролити и медицинска поддршка.