Здраво дечки, ви благодариме што се пријавивте на Крали Марко Треилс и што ќе ја зграпчите оваа уникатна можност по стапкитете на Крали Марко, векови подоцна, да истражувате и преку планинското трчање да станете современи херои!
Ви посакуваме добредојде на 12тото издание на Крали Марко Треилс во организација на здружението ТРЕКС Скопје поддржано од нашите главни партнери Polish Aid, Алга Сан, Крали Марко светло пиво, Витаминка, Горска вода и во соработка со извидничкиот одред Феникс од Прилеп и Горско-спасителната служба Златоврв Прилеп.
Како и досега, центарот на трката каде што се подигнуваат стартните пакети, стартот и целта че биди во АМФИТЕАТАРОТ во населба Варош, Прилеп ЛОКАЦИЈА НА ГУГЛ МАПА
--
Ако доаѓате само на еден ден во Прилеп, дојдете порано имајќи на ум дека сите треба да земете стартен број во кус рок пред старт. Внимавајте каде го паркирате автомобилот наоколу во населбата Варош, ве молиме не ги блокирајте приодите кон гаражите и доворовите на соседите и кон коридорите во Амфитеатарот, особено не паркирајте во сокаците каде што врви трката.
КАМЕНА БАБА ТРЕИЛ 35К / 1,800 m D+
ПОДИГНУВАЊЕ СТАРТНИ ПАКЕТИ
02.03.2025, НЕДЕЛА, 07:30 - 08:45
СТАРТ: 09:00
***
ТРЕСКАВЕЦ ТРЕИЛ 18К / 970 m D+
ПОДИГНУВАЊЕ СТАРТНИ ПАКЕТИ
02.03.2025, НЕДЕЛА, 09:15 - 10:45
СТАРТ: 11:00
- стартен број (А5 големина) кој мора да биде видливо закачен напред на облеката (телото) во текот на целата трка (обезбеден од организаторот)
- ранец за трчање и бидон, мешина или шише за вода со волумен од најмалку литар течност.
- астрофолија
- јакна-ветровка
- мобилен телефон со полна батерија
- гумена, пластична чашка, бидон или шише кое може да се користи како сад за течности на освежителните станици. Нема да има пластични/хартиени чаши за еднократна употреба на освежителните станици и на целта.
- внимавајте на ѓубрето по џебовите и ранците и не дозволувајте да ви паѓа по патеката во природа.
Трките се трајно маркирани на камења со црвени точки и стрелки на секои 30 метри а на клучни места освен насочувачи има и црвени патокази со стрелки. Внимателно проучете ги патеките и симнете ги гпс фајловите на вашиот спортски часовник и во соодветна апликација на мобилен телефон.
Двете трки скоро 100% се одвиваат по козји патеки, вистинско уживање за љубителите на трејлот, и стартуваат од Варошот, и благо ја заобиколуваат тврдината Маркови Кули. Потоа по традиционалната планинарска патека ве носат до Манастирот ТРЕСКАВЕЦ 8км (ќе има само вода таму) и се спуштате по вековната патека кон патот кон селото Дабница каде што има целосно опремена освежителна станица наречена ДАБНИЦА 12км.
Оттаму само тркачите на КАМЕНА БАБА ТРЕИЛ 35К се упатуваат кон Камена Баба/Кукул каде што од седлото се врти на ваша десна страна (кон југ) и се заобиколува целото ритче и се враќате пак назад на Седлото. Потоа се искачувате преку врвчето Глајца кон врвот ЕДИНАК 25км (не се качува туку под него се проаѓа). Оттаму брз спуст повторно кон ОС ДАБНИЦА 28км.
А тркачите на ТРЕСКАВЕЦ ТРЕИЛ 18К од Дабница, скоро истовремено со тркачите од подолгата трка се искачуваат кон Наковална и продолжуваат кон Марковите Кули низ чии ѕидини минуваат па надолу кон целта во Варошот. На целта ќе ве чека Крали Марко светло пиво и топол оброк - манастирско посно гравче.
Дполнително ќе биде објавена на една недела пред денот трката. Облечете се соодветно како за тренинг во пролетни услови.
За ваша безбедност на терен ќе се грижи мобилна екипа од Планинско спасителна служба Златоврв Прилеп и статични екипи со доктори на стартот/целта и ОС Дабница . Но, во духот на спортскиот фер-плеј должни сте на секому кој би имал потреба веднаш да му помогнете и да останете со него/неа додека спасителите не пристигнат.
Меморирајте го бројот на организаторот 071 246 423 во вашите телефони. И во случај на несреќа, губење или откажување веднаш јавете се за да не ве бараме залудно околу болдерите. На секое ќоше од трките има одлична мрежна покриеност.
Резултатите ќе бидат достапни на следниот линк --- најдете се во списокот, проверете дали ви се точни податоците.
Мерењето на времето на стартот/целта ќе биде електронски со чипови (залепени на стартниот број) а на контролните точки преку мобилна апликација така што не заборавајте на волонтерите гласно да им го кажете вашиот број односно јасно да им го покажете доколку ви е покриен со ветровката која мора задолжително да ја имате со себе.
Прогласување на победници ќе биде во 15:00 часот а настанот се затвора во 17:00 часот. И не заборавајте, натпреварувајте се во рамките на своите психо-физички можности и забавувајте се.
За сите должини на трки
15.12.2024
За сите должини на трки
24 Февруари 2025
КАМЕНА БАБА ТРЕИЛ 35K
02.03.2025, НЕДЕЛА, 07:00 - 08:45
ТРЕСКАВЕЦ ТРЕИЛ 18K
02.03.2025, НЕДЕЛА, 09:10 - 10:45
АМФИТЕАТАР во Варош, Прилеп
ЛОКАЦИЈА НА ГУГЛ МАПА
02.03.2025, НЕДЕЛА, 09:00
АМФИТЕАТАР во Варош, Прилеп
ЛОКАЦИЈА НА ГУГЛ МАПА
02.03.2025, НЕДЕЛА, 11:00
АМФИТЕАТАР во Варош, Прилеп
ЛОКАЦИЈА НА ГУГЛ МАПА
02.03.2025, НЕДЕЛА, 12:20 > 17:00
АМФИТЕАТАР во Варош, Прилеп
ЛОКАЦИЈА НА ГУГЛ МАПА
02.03.2025, НЕДЕЛА, 15:00
АМФИТЕАТАР во Варош, Прилеп
ЛОКАЦИЈА НА ГУГЛ МАПА
